សមាជិក
លោកមេធាវី សាន់ រ៉ាដា
លោកមេធាវី សាន់ រ៉ាដា បានទទួលសញ្ញាបត្រអនុបណ្ឌិតផ្នែកព្រហ្មទណ្ឌ និងវិទ្យាសាស្រ្តព្រហ្មទណ្ឌពីសាកលវិទ្យាល័យ Montpellier I នៃប្រទេសបារាំង នៅឆ្នាំ២០០៤។
លោកមេធាវី សាន់ រ៉ាដា គឺជាមេធាវីជំនាញខាងផ្នែកព្រហ្មទណ្ឌ។ សព្វថ្ងៃលោក គឺជាសាស្រ្តាចារ្យផ្នែកឧក្រិដ្ឋវិទ្យានៅរាជបណ្ឌិតសភាវិជ្ជាជីវៈតុលាការ (សាលាភូមិន្ទចៅក្រម) ជាសាស្រ្តាចារ្យនៃនីតិព្រហ្មទណ្ឌនៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច(ផ្នែកកិច្ចសហប្រតិបត្តិការបារាំង) និងជាសាស្រ្តាចារ្យផ្នែកនីតិព្រហ្មទណ្ឌនៅសាកលវិទ្យាល័យបៀលប្រាយ ។ បច្ចុប្បន្ន លោកមេធាវីកំពុងបម្រើការងារនៅអង្គជំនុំជម្រះវិសាមញ្ញក្នុងតុលាការកម្ពុជា ហៅកាត់ថា សាលាក្តីខ្មែរក្រហម ផងដែរ។ លោកមេធាវី អាចនិយាយ និងប្រើប្រាស់ភាសាខ្មែរ បារាំង និងអង់គ្លេសបានយ៉ាងស្ទាត់ជំនាញផងដែរ។
លោកស្រីមេធាវី លឹម លាំងហ្គិច
លោកស្រីមេធាវី លឹម លាំងហ្គិច បានទទួលបរិញ្ញាបត្រផ្នែកច្បាប់ពីសាកលវិទ្យាល័យ Lyon 2 នៃប្រទេសបារាំង និងពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅឆ្នាំ ២០១៣ ។ លោកស្រីមេធាវីធ្លាប់បានទៅសិក្សានៅប្រទេស ស៊ុយអេត (Sweden) និងទទួលបានវិញ្ញាបនបត្រផ្នែកសិទ្ធិមនុស្ស។ លោកស្រីមេធាវីបានទទួលវិញ្ញាបនបត្រសម្បទាខាងវិជ្ជាជីវៈមេធាវីនៅឆ្នាំ២០១៥។
លោកស្រីមេធាវី លឹម លាំងហ្គិច ធ្លាប់បំពេញការងារអ្នកប្រឹក្សាច្បាប់ និងជាមេធាវីនៅការិយាល័យមេធាវីធំៗមួយចំនួន។ លោកស្រីមេធាវីមានបទពិសោធន៍ការងារច្រើនលើវិស័យធនាគារ រដ្ឋប្បវេណី និងដីធ្លី។
លោកស្រីមេធាវី អាចនិយាយ និងប្រើប្រាស់ភាសាខ្មែរ អង់គ្លេស និងបារាំងបានយ៉ាងស្ទាត់ជំនាញ។
កញ្ញាមេធាវី ឥន្ទ រស្មីសិរីរតនា
កញ្ញាមេធាវី រតនា បានទទួលបរិញ្ញាប័ត្រជាន់ខ្ពស់ផ្នែកនីតិឯកជនពីសាកលវិទ្យាល័យនីតិសាស្ត្រ និងវិទ្យាសាស្ត្រសេដ្ឋកិច្ច នៅឆ្នាំ២០១៩ ស្របជាមួយនឹងសញ្ញាប័ត្រផ្នែកអក្សរសាស្ត្រអង់គ្លេស ពីសាកលវិទ្យាស្ថានភាសាបរទេស (IFL)ផងដែរ។
កញ្ញាមេធាវី ធ្លាប់បានបំពេញការងារជាជំនួយការផ្នែកច្បាប់នៅសាលាដំបូងរាជធានីភ្នំពេញ និងជាមេធាវីនៅការិយាល័យមេធាវីក្នុងស្រុកមួយចំនួនផងដែរ។ កញ្ញាមេធាវី ក៏អាចនិយាយ និងប្រើប្រាស់ភាសាខ្មែរ និងភាសាអង់គ្លេសយ៉ាងស្ទាត់ជំនាញផងដែរ។
កញ្ញា អ៊ីញ តារារស្មី
កញ្ញា អ៊ីញ តារារស្មី មានតួនាទីជា ទីប្រឹក្សាច្បាប់ជាន់ខ្ពស់។ កញ្ញាបានទទួលបរិញ្ញាបត្រផ្នែកច្បាប់ពីសាកលវិទ្យាល័យ Lyon 2 នៃប្រទេសបារាំង និងពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅឆ្នាំ ២០១៦។
កញ្ញាធ្លាប់ធ្វើកម្មសិក្សាជាអ្នកស្រាវជ្រាវផ្នែកច្បាប់នៅមជ្ឈមណ្ឌលស្រាជ្រាវ និងអនុវត្តច្បាប់ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងបានបំពេញការងារជាកម្មសិក្សាការីនៅអង្គជំនុំជម្រះវិសាមញ្ញក្នុងតុលាការកម្ពុជា ហៅកាត់ថា សាលាក្តីខ្មែរក្រហម ផងដែរ។
កញ្ញា សំទីន រស្មី
កញ្ញា សំទីន រស្មី មានតួនាទីជា ទីប្រឹក្សាច្បាប់។ កញ្ញាបានទទួលអនុបណ្ឌិតច្បាប់ផ្នែក Land Law and Property Law ពីសាកលវិទ្យាល័យ Jean Moulin Lyon 3 នៃប្រទេសបារាំង នៅឆ្នាំ២០១៩ និងបរិញ្ញាបត្រច្បាប់ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅឆ្នាំ ២០១៧។
កញ្ញាធ្លាប់ធ្វើបានបំពេញការងារជាកម្មសិក្សាការីនៅអង្គជំនុំជម្រះវិសាមញ្ញក្នុងតុលាការកម្ពុជា ហៅកាត់ថា សាលាក្តីខ្មែរក្រហម និងបានបំពេញការងារជាកម្មសិក្សាការីនៅមន្ទីរសារការី ផងដែរ ។
លោក ដែត សិលា
លោក ដែត សិលា មានតួនាទីជា ជំនួយការផ្នែកច្បាប់។ លោក សិលា បានទទួលសញ្ញាប័ត្រផ្នែករដ្ឋបាលសាធារណៈ ពីសាកលវិទ្យាល័យ អាស៊ី អឺរ៉ុប នៅឆ្នាំ២០១៩។
លោក សិលា ធ្លាប់បំពេញការងារជាភ្នាក់ងាររដ្ឋបាលនៅតាមក្រុមហ៊ុនឯកជនមួយចំនួនផងដែរ។
កញ្ញា ឃីន ភារី
កញ្ញា ឃីន ភារី មានតួនាទីជា ជំនួយការផ្នែកច្បាប់។ សព្វថ្ងៃ កញ្ញា ភារី គឺជានិស្សិតឆ្នាំទី២ ផ្នែកនីតិសាស្រ្ត នៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច។
កញ្ញា សារី ដាអ៊ី
កញ្ញា ដាអ៊ី មានតួនាទី ជាជំនួការផ្នែកច្បាប់។ សព្វថ្ងៃ កញ្ញា ដាអ៊ី គឺជានិស្សិតឆ្នាំទី២ ផ្នែកនីតិសាស្ត្រ នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។